Sýningarreglur uppfærðar 1.maí 2023 Hundaræktarfélag Íslands

Hundaræktarfélag Íslands

------------------------------------------------------------------------------------------

Sýningarreglur fyrir hundasýningar HRFÍ og sérdeilda þess

 Gilda frá 1. janúar 2009.

 Skipulag og stjórn  

1. Stjórn HRFÍ tilnefnir fimm manna sýningarstjórn og sjö í framkvæmdanefnd sýninga.

Hlutverk sýningarstjórnar er að skipuleggja sýningar félagsins, sjá til þess að þær fari

fram samkvæmt sýningarreglum, leysa mál eða deilur sem upp kunna að koma á

sýningum og vera stjórn HRFÍ og deildum félagsins ráðgefandi varðandi sýningarmálefni

almennt. Sýningarstjórn skiptir með sér verkum.

Hlutverk framkvæmdanefndar sýninga er að sjá um verklega framkvæmd sýninga

félagsins, í samráði við sýningastjórn. Framkvæmdanefnd sýningar skiptir með sér

verkum.

 Sýningarskilmálar

 2. Félagsmönnum HRFÍ og félagsmönnum í félögum viðurkenndum af HRFÍ er einum

heimilt að skrá til þátttöku hunda sína á sýningar Hundaræktarfélags Íslands.

Við skráningu á sýningar skal nota staðlað skráningareyðublað HRFÍ.

3. Aðeins má sýna hunda sem skráðir eru í ættbók HRFÍ. Innflutta hunda má þó sýna án

umskráningar, sé eigandi búsettur erlendis. Innflutningsleyfi og vottorð frá

einangrunarstöð verða að fylgja með skráningarblaði og þurfa hundarnir að vera

ættbókarfærðir hjá erlendu hundaræktarfélagi, viðurkenndu af HRFÍ.

Hundar af hundakyni sem ekki er viðurkennt af FCI, skulu aðgreindir sérstaklega í

sýningaskrá á alþjóðlegum sýningum. Þeir geta ekki tekið þátt í keppni í tegundarhóp.

Íslenskan fjárhund með undanþáguskráningu má sýna á sýningum HRFÍ.

4. Óheimilt er að sýna skott- og / eða eyrnastýfða hunda sem fæddir eru á Íslandi eftir 22.

júní 2001. Sama gildir um hund sem fluttur er inn frá landi þar sem skott- og/eða

eyrnastýfingar eru óheimilar.

5. Hundur sem sýndur er á sýningum HRFÍ skal vera bólusettur gegn þeim

smitsjúkdómum, sem leyfilegt er að bólusetja gegn hér á landi og varanlega auðkenndur

með örmerki eða húðflúri. Starfsfólki sýningar er heimilt að lesa af örmerkingu/húðflúri

hunda á sýningarstað.

Dýralæknisskoðunar er ekki krafist á sýningum HRFÍ, en séu sýndir fleiri en 50 hundar

verður að tryggja dýralæknaþjónustu.

6. Óheimilt er að vera með aðra hunda á sýningarsvæðinu en þá sem skráðir eru til

sýningar, í hundafimi, hlýðnikeppni og/eða önnur sýningaratriði.

Stranglega bannað er að koma með hvolpa yngri en 4 mánaða inn á sýningarsvæði HRFÍ.

Ávallt verður að hafa hunda í taumi á sýningarsvæði. Undantekning frá þessari reglu

gildir aðeins í keppnishring við atriði eins og hlýðnikeppni, hundafimi og /eða önnur

sýningaratriði.

Aldrei skal skilja hunda eftir eftirlitslausa á sýningarsvæðinu þannig að öryggi þeirra eða

annarra sé ótryggt eða þeir valdi gestum, sýnendum og hundum þeirra ónæði.

7. Hundar sem komið er með á hundasýningu skulu almennt vera í góðu andlegu og

líkamlegu ásigkomulagi. Sýnilega veikum, blindum eða heyrnarlausum hundi, hundi

með húðsjúkdóm eða útvortis sníkjudýr skal vísa frá þátttöku. Leiki vafi á hvort eitthvað

ami að hundi, getur sýningarstjóri, dómari eða dýralæknir krafist þess að hann verði

skoðaður af dýralækni.

Hafi hundur orðið fyrir skaða sem hefur áhrif á útlit eða hreyfingar hans, en hann er að

öðru leyti heilbrigður og dýralæknir getur staðfest með hvaða hætti skaðinn varð, skal

sýnandi framvísa vottorði þess efnis til hringstjóra, fyrir dóm. Það er þó ætíð mat

dómarans hvort skaðinn sé þess eðlis að ekki sé hægt að útiloka að hann hafi verið fyrir

eða dylji annan hugsanlega galla eða hvort hann sé þess eðlis að hann útiloki að dómarinn

geti metið útlit og hreyfingar hundsins út frá staðli hans.

8. Bannað er að hafa munnkörfur, rafmagnshálsólar eða gaddakeðjur á hundum á

sýningasvæðinu.

Dómara eða sýningarstjóra er heimilt að vísa burtu grimmum eða á annan hátt

hættulegum hundi.

9. Óheimilt er að stunda sölumennsku með hunda/hvolpa á sýningarsvæði. Ræktendum er

óheimilt að auglýsa starfsemi sína á sýningarsvæði HRFÍ, nema í sýningaskrá.

Föt eða annað sem merkt er tiltekinni ræktun, hundi eða þ.h. eru stranglega bönnuð í

ræktunardóm eða keppni í úrslitum.

10. Dómari skal ganga úr skugga um að hundur/rakki hafi rétt staðsett og eðlileg eistu.

Hundur sem ekki hefur rétt staðsett og eðlileg eistu (sama hver ástæðan er) fær

einkunnina 0 (disqualified). Óheimilt er að sýna hund, hafi eistu verið færð niður með

skurðaðgerð.

Óheimilt er að sýna hvolpafulla tík sem gengin er meira en 42 daga, talið frá síðustu

pörun, eða er með hvolpa yngri en 56 daga.

11. Hafi verið gerð aðgerð á hundi í því skyni að lagfæra útlitsgalla, eða hafi feldur hunds

verið meðhöndlaður með einhverju því efni sem getur breytt lit eða gerð feldsins, er

óheimilt að sýna hann eða gefa umsögn um hann.

Óheimilt er að klippa, reita eða blása hund á sýningarstað.

12. Velferð hundsins skal ætíð höfð að leiðarljósi á hundasýningum HRFÍ.

 Skráning og skráningargjald

 13. Skráning á sýningar HRFÍ skulu fara fram í gegnum öruggan vefþjón eða með

eyðublaði sem póstlagt/símsent er í síðasta lagi daginn sem skráningarfrestur rennur út.

Skráningargjald verður að greiðast við skráningu, að öðrum kosti verður skráning ekki

tekin til greina. Skráning er bindandi og skráningargjald aðeins endurgreitt samkvæmt

reglum í 17. grein.

Eingöngu má skrá hund til þátttöku á sýningu undir því nafni sem hann ber í ættbók.

Eigandi hunds ber ábyrgð á að allar upplýsingar á skráningarblaði séu réttar. Séu þær

rangar, má neita skráningu eða jafnvel ógilda sýningardóm.

14. Sé villa í sýningarskrá, skal eigandi/sýnandi hunds vekja athygli hringstjóra á

villunni.

Hundur sem er ekki skráður í sýningaskrá, má ekki taka þátt í sýningunni. Undantekning

er gerð ef ástæðan er mistök sýningahaldara eða þriðja aðila (t.d. staðfest mistök banka

eða þess sem sér um sýningaskrá) og má þá hundurinn taka þátt með svokallað b-númer.

Upplýsingar um b-númeraða hunda skulu vera til sýnis við hringinn og þeirra skal geta í

niðurstöðupappírum.

Óheimilt er að færa hund á milli flokka eftir að sýningaskrá hefur verið prentuð, nema um

villu sé að ræða sem sýningahaldari ber ábyrgð á.

15. Óleyfilegt er að veita upplýsingar um hvaða hundar eru skráðir á sýningu eða afhenda

sýningarskrá fyrr en á sýningardag. Dómari fær ekki aðgang að sýningarskrá fyrr en að

sýningu lokinni.

16. Verði breyting á að áður auglýstur dómari muni dæma, skal sýnendum gerð grein

fyrir breytingunni skriflega. Sé það ekki mögulegt, skal vekja athygli sýnenda á

breytingunni við inngang á sýningarstað eða við dómhring.

17. Skráningargjald fæst aðeins endurgreitt í eftirfarandi tilvikum:

a. Ef skráningarblað er ekki tekið til greina.

b. Ef ljóst er eftir að skráningarfrestur rennur út, að áður auglýstur dómari muni ekki

dæma: Helmingur skráningagjalds er endurgreiddur gegn skriflegri beiðni þar um,

afhendingu sýninganúmers og framvísun greiðslukvittunar, í síðasta lagi áður en dómur í

tegundinni hefst. Ef varadómari hefur verið tilgreindur fyrir tegundina, eru

skráningagjöld ekki endurgreidd.

Ef sýning fellur niður vegna óviðráðanlegra ástæðna (force majeure), eiga eigendur

skráðra hunda ekki rétt á endurgreiðslu skráningargjalda.

Skyldur og ábyrgð sýnenda

  18. Aldurslágmark sýnanda hunds er 13 ára (á sýningarárinu) að undanskildum

keppendum í ungum sýnendum, yngri flokki, sbr. gr. 56. Í dómi skal sýninganúmer

hunds vera skýrt á hægri hlið sýnanda.

19. Sýnandi/eigandi ber ábyrgð á hundi og því tjóni sem hann kann að valda á

sýningarstað. Sama á við um hund í bíl/hjólhýsi eða annars staðar utan sýningasvæðis.

Deilur sem kunna að rísa milli sýnenda af þessum sökum, eru alfarið þeirra mál og

Hundaræktarfélagi Íslands og sýningarstjórn þess óviðkomandi.

20. Sýnandi verður sjálfur að gæta þess að mæta tímanlega og við réttan dómhring með

hundinn áður en dómar hefjast. Athygli er sérstaklega vakin á því að auglýstur

sýningartími er leiðbeinandi og getur fyrirvaralítið breyst.

Hringstjóri metur hvort hundur komi of seint til dómhrings. Í slíkum tilvikum getur

dómari ákveðið að gæðadæma hundinn (umsögn, einkunn) eftir að hundakynið hefur

lokið keppni. Hundurinn getur þó ekki tekið þátt í úrslitum.

21. Stranglega er bannað að reyna að hafa áhrif á sanngjarnt gengi hunda í dóm. Einnig er

bannað að annar aðili en sýnandi, innan eða utan hrings, hafi eða reyni að hafa áhrif á

sýningu hunds.

Sýnandi má ekki ræða við dómarann að fyrra bragði þegar hundurinn er í dóm. Erindum

skal beina til hringstjóra.

Óviðkomandi fólk má ekki fara inn í sýningarhring þegar verið er að dæma í honum.

22. Það er alfarið bannað að gefa hundi lyf sem með verkun sinni örvar, róar, er

verkjaeyðandi, hefur áhrif á atferli, geðslag eða geta á annan hátt haft áhrif á frammistöðu

hunds eða getu á sýningu. Sýningarstjórn getur farið fram á blóðrannsókn, leiki grunur á

að hundi hafa verið gefin lyf með ofangreindri virkni.

23. Heimilt er að hætta við að sýna hund við aðstæður sem lýst er í 17 gr. Að öðrum kosti

er óheimilt að hætta við að láta dæma hund sem mættur er í dómhring, nema með leyfi frá

sýningarstjóra/dómara.

24. Harkaleg meðferð eða refsing á hundi á sýningarsvæði er stranglega bönnuð og getur

leitt til brottvísunar frá sýningu og að hundur verði sviptur verðlaunum og við alvarleg

brot - að máli viðkomandi verði vísað til frekari meðferðar sýningastjórnar eða stjórnar

HRFÍ.

25. Aðili sem rekinn hefur verið úr HRFÍ eða sem hefur verið útilokaður frá sýningum

HRFÍ eða annarra viðurkenndra FCI félaga, má ekki skrá eða sýna hund á sýningum

HRFÍ. Sama gildir um þátttöku í ræktunar- eða afkvæmahóp. Regla þessi gildir einnig

um aðila sem hefur sagt sig úr félaginu, hafi úrsögnin komið í veg fyrir að siðanefnd

félagsins gæti fjallað á fullnægjandi hátt um mál á hendur honum. Eigandi ber ábyrgð á

því að hundur sé ekki sýndur af útilokuðum aðila.

26. Bannað er að óvirða dómara eða á augljósan hátt gagnrýna störf hans. Sýnendur skulu

sýna öðrum sýnendum og starfsfólki kurteisi. Sýnanda eða umboðsaðilum hans er skylt

að fara eftir lögum og reglum HRFÍ, reglum er varða sýninguna ásamt öðrum tilmælum

starfsfólks sýningar. Brot á þessu kann að varða frávísun af sýningarsvæði, að hundur

verði sviptur verðlaunum og við alvarleg brot - að málinu verði vísað til frekari

meðferðar sýningastjórnar eða stjórnar HRFÍ. Sýningastjóri getur vísað aðilum af

sýningasvæðinu.

Dómarar, hringstjórar og starfsmenn

 27. Dómari má ekki skrá eða sýna hund á sýningu sem hann dæmir sjálfur á, þann dag

sem hann dæmir. Maki, nákomnir ættingjar eða heimilismeðlimir dómara mega skrá og

sýna hunda (þó ekki hunda skráða á nafn dómara) af hundakynjum sem dómari er ekki að

dæma umræddan dag. Hafi dómari, nákominn ættingi hans eða annar á heimili hans, átt

(einn eða í sameign), haft um lengri eða skemmri tíma, selt, þjálfað eða snyrt hund á

síðustu sex mánuðum fyrir sýninguna, má dómarinn ekki dæma umræddan hund.

Dómari má ekki eiga samskipti við sýnendur fyrir dóm. Gisting, matarboð, heimsóknir

og keyrsla til og frá sýningu falla m.a. hér undir.

Á alþjóðlegum sýningum verða allir hundar sýndir af dómara sem ekki dæmir á

sýningunni, að vera í eigu eða ræktaðir af honum sjálfum, samstarfsaðila, nákomnum

ættingja eða heimilisfólki.

28. Dómaranemi og dómarlærlingur mega hvorki ská eða sýna hund á sýningunni þann

dag sem þeir eru við nám í hring og ekki sýna hund undir dómara sem þeir læra hjá á

sýningunni.

Öðru starfsfólki í dómhring er ekki heimilt að skrá eða sýna hund hjá dómara sem þeir

starfa með á sýningunni. Þessi regla á einnig við um úrslit. Þessir aðilar mega skrá og

sýna undir öðrum dómurum sýningarinnar.

Annað starfsfólk á dómsýningu má skrá og sýna hunda. Þó er því óheimilt að bera

starfsmannamerki eða önnur auðkenni sem gefa til kynna að viðkomandi sé starfsmaður

sýningar.

29. Aðilar sem siðanefnd HRFÍ hefur úrskurðað í sýningabann, mega ekki starfa á eða við

sýningu á meðan bannið er í gildi.

Mótmæli

 30. Umsögn dómara eða ákvörðun hans um einkunn, sæti eða verðlaun, er endanleg og

verður ekki véfengd.

Niðurstöðu dóms má einungis breyta í eftirtöldum tilvikum:

a. Ef sýnt er fram á tæknileg mistök eða villu í dómnum

b. Ef þátttaka hundsins fer gegn reglum HRFÍ

Huglægt mat dómarans kemur því aldrei til endurskoðunar.

Sýningastjórn (og eftir atvikum, stjórn HRFÍ) tekur afstöðu til þess hvort breyta eigi

niðurstöðu dóms skv. 2. mgr:

a. Að frumkvæði sýningarstjórnar sjálfrar eða stjórnar HRFÍ, eða eftir ábendingu

dómarans sjálfs,

b. Eftir mótmæli frá hundeiganda sem telur á sér brotið,

31. Vilji eigandi mótmæla dómi, eða telji hann að brotið hafi verið á sér á einhvern hátt,

verður sýningarstjórn HRFÍ að hafa borist skrifleg mótmæli fyrir lok sýningar þann dag

sem meint atvik átti sér stað, ásamt kærugjaldi sem skal nema tvöföldum

sýningargjöldum fyrir opinn flokk. Beinist mótmælin gegn réttmæti 0 einkunnar sem

gefin var vegna útilokandi galla samkvæmt staðli (disqualifying fault), skulu þau þó

berast innan viku frá sýningardegi.

Mótmæli aðila sem ekki á beinna hagsmuna að gæta, eða ef formkröfum sbr. að ofan er

ekki fylgt, verða ekki tekin til skoðunar. Verði mótmælin tekin til skoðunar, skal

sýningastjórn úrskurða skriflega í málinu innan þriggja daga frá lok sýningar. Ef

ómögulegt reynist að úrskurða innan þeirra tímamarka, t.d. vegna þess að ekki tekst að

afla fullnægjandi upplýsinga fyrir þann tíma, skal stjórn HRFÍ fá málið til úrskurðar.

Verði mótmælin tekin til greina, og eftir atvikum, skal fella niðurstöðu dóms

(einkunn/sæti) úr öllum skýrslum félagsins og skráningargjald ásamt kærugjaldi,

endurgreiðist.

Úrskurði sýningarstjórnar má skjóta til stjórnar HRFÍ innan 30 daga frá dagsetningu hans,

en úrskurður stjórnar HRFÍ er endanlegur.

Skýring einkunna

 32. Í gæðadómi gefur dómari hundi einkunn fyrir útlit, hreyfingar og skapgerð og miðar

við staðal hundakynsins, án samanburðar við aðra hunda sem skráðir eru í sama flokk.

Þannig geta margir hundar í sama flokki, fengið sömu einkunn.

Í flokki þar sem gæðadómur fer fram, eru eftirfarandi einkunnir gefnar:

Excellent  : Hundurinn kemst mjög nálægt staðli hundakynsins að gerð og byggingu,

 sýndur í frábæru líkamlegu formi og í góðu andlegu jafnvægi; stórglæsilegur og af háum

gæðum. Kostir hans sem fulltrúa hundakynsins eru svo augljósir að óverulegir

útlitsgallar draga hann ekki niður; tilhlýðlegur munur er á tík / rakka.

 
Very good : Hundurinn er dæmigerður að gerð og bygging hans er í góðu jafnvægi.

 Líkamlegt form er gott. Minniháttar gallar eru þolanlegir, enda kemur engin þeirra niður

á heilbrigðri byggingu hundsins. Þessa einkunn má einungis veita hundi sem býr yfir

glæsileik.

Good : Hundurinn er viðunandi hvað varðar gerð, en hefur sýnilega galla.

 Sufficient : Hundurinn er sæmilegur að gerð en er þó ekki týpiskur fulltrúi hundakynsins,

 eða í lélegu líkamlegu formi.

0. einkunn (Disqualified):  Hundur er ekki dæmigerður að gerð og byggingu fyrir

 hundakynið; hann sýnir árásargirni eða hegðun sem er í algeru ósamræmi við eiginleika

hundakynsins; hann er ekki með tvö eðlileg og rétt staðsett eistu, hann er með tann- eða

kjálkagalla, litar- eða feldgalla eða er albínói. Þessi einkunn er einnig gefin hundi þar sem

gerð eða bygging hans kemur niður á heilsu hans eða almennu heilbrigði og hundi sem er

með galla sem er óásættanlegur (disqualifying) samkvæmt staðli hundakynsins.

 Ástæður 0 einkunnar skal alltaf tilgreina í umsögn og á niðurstöðublaði. Hundur, sem í

þrígang hefur fengið einkunnina 0 vegna skapgerðar / hegðunar, skal útilokaður frá

keppni á hundasýningum HRFÍ.

Hundar sem ekki hljóta einhverja af ofangreindum einkunnum, ljúka keppni með

umsögnina:

 
Ekki hægt að dæma (EHD). Þessi umsögn er gefin hundi sem á því augnabliki sem

dómarinn er að dæma hann, hreyfir sig ekki, víkur sér undan handfjötlun og skoðun

dómara t.d. á tönnum, líkamsbyggingu, skotti og eistum, stekkur stöðugt upp á sýnanda,

reynir að komast út úr hringnum eða hegðar sér þannig eða er þannig á sig kominn

líkamlega að ekki er hægt að dæma hreyfingar hans eða líkamsbyggingu. Sama getur átt

við um hund sem dómari telur sig sjá merki um eða hefur ríka ástæðu til að gruna að

aðgerð hafi verið gerð á eða hann meðhöndlaður þannig að það geti haft áhrif á dóm.

Ástæðu umsagnarinnar skal getið í umsögn og á niðurstöðublaði.

 Meistaraefni / Meistarastig

 33. Íslenskt meistarastig / meistaraefni:

Veita má meistaraefni þeim  Excellent hundum sem teljast framúrskarandi að gerð og eru

 að öllu leyti rétt byggðir með tilliti til ræktunarmarkmiðs tegundarinnar.

Meistarastig er síðan veitt þeim rakka / tík sem bestu sætaröðun hlýtur í keppni um besta

rakka og bestu tík tegundar, af þeim hundum sem koma til álita fyrir stigið og hafa áður

hlotið meistaraefni. Komi hundar í sætum 1-4 ekki til álita fyrir stigið, veitir dómari það

hundi úr hópi þeirra sem eftir standa með meistaraefni og til álita koma fyrir stigið.

34. Hundur kemur ekki til álita fyrir meistarastig:

a) ef hann er þegar íslenskur sýningameistari (ISSCH) / íslenskur meistari (ISCH).

b) ef hann hefur þegar fengið tilskilinn fjölda íslenskra meistarastiga til að öðlast

meistaranafnbót (ISCH eða ISSCH) og a.m.k. eitt þeirra eftir 24 mánaða aldur

(fullcertaður).

Sýnandi skal láta hringstjóra vita að hundur hans komi ekki til álita fyrir meistarastig.

35. Alþjóðlegt meistarastig (CACIB)

Á alþjóðlegum sýningum keppa rakkar og tíkur um alþjóðlegt meistarastig (CACIB) og

vara-alþjóðlegt meistarastig (Res-CACIB), í keppni um besta rakka og bestu tík tegundar.

Dómarinn tilnefnir rakka og tík sem bestu sætaröðun hlýtur af þeim hundum sem til álita

koma fyrir stigið og sem hann telur af yfirburða gæðum, og fær sýnandi spjald undirritað

af dómara því til staðfestingar. FCI, Alþjóðasamtök hundaræktarfélaga, hafa endanlegt

ákvörðunarvald um veitingu stigsins. Einungis þeir hundar sem hlotið hafa   Excellent

 koma til greina fyrir CACIB. Hundur sem skráður er í ungliðaflokk eða öldungaflokk

kemur ekki til álita fyrir CACIB.

Veita má Res-CACIB þeim rakka / tík sem næst stendur í sætaröðun þeim sem fengið

hafa CACIB og til álita koma fyrir stigið.
 

36. FCI staðfestir ekki CACIB tillögu veitta hundi sem:

a) þegar hefur fengið titilinn C.I.B. (alþjóðlegur meistari) eða C.I.E. (alþjóðlegur

sýningameistari) af FCI

b) hefur ekki fullar 3 kynslóðir (utan viðkomandi hunds) skráðar í FCI viðurkennda

ættbók

c) Er ,,fullcertaður" og lágmark eitt ár hefur liðið á milli fyrsta og síðasta stigs

d) Er af hundakyni sem ekki er viðurkennt af FCI

Flokkaskipting og framgangur sýningar

 37. Hundar og tíkur dæmast hvor í sínu lagi. Dómur skiptist í gæðaumsögn um hvern

hund og keppni um sæti. Þegar dómari gefur gæðaumsögn, skoðar hann hundinn með

tilliti til ræktunarmarkmiðs kynsins og gefur einkunn ásamt skriflegri umsögn, sem

sýnandi fær afrit af. Einkunnarborði fyrir gæðadóm skal festur á sýningartaum. Að

loknum gæðadómi keppa þeir hundar sem náð hafa tilskyldum árangri um sætaröðun.

Fjórir bestu hundar í hverjum flokki fá sæti, að því tilskyldu að þeir hafi fengið amk. 

Very Good.

 38. Hvern hund má einungis skrá til keppni í einum flokki (undanskilið er keppni í

ræktunar- og afkvæmahóp). Skráning í flokka miðast við aldur hundsins og þann árangur

sem hundurinn hefur náð áður. Hundur skal hafa náð tilskildum aldri fyrir viðkomandi

flokk daginn áður en sýning hefst. Staðfesting á árangri þarf að berast fyrir lok

skráningafrests á sýninguna.

39. Ungviði (valkvætt)  

Ungviðaflokkur er fyrir hvolpa á aldrinum 4 - 6 mánaða.

Hvolpurinn fær skriflega umsögn en einkunn er ekki gefin. Keppt er um sætaröðun.

Sérlega lofandi hvolpar geta fengið Heiðursverðlaun.

Hvolpur í fyrsta sæti sem jafnframt fær Heiðursverðlaun, keppir um titilinn ,,Besta  

ungviði tegundar". Sá keppir síðan til úrslita um besta ungviði sýningar (eða dagsins, ef

sýning stendur í tvo eða fleiri daga).

40. Hvolpaflokkur (valkvætt)

 Hvolpaflokkur er flokkur fyrir hvolpa á aldrinum 6 - 9 mánaða.

Hvolpurinn fær skriflega umsögn en ekki einkunn. Keppt er um sætaröðun.

Sérlega lofandi hvolpar geta fengið Heiðursverðlaun.

 Hvolpur í fyrsta sæti sem jafnframt fær Heiðursverðlaun, keppir um titilinn ,,Besti

hvolpur tegundar". Sá keppir síðan til úrslita um besta hvolp sýningar (eða dagsins, ef

sýning stendur í tvo eða fleiri daga).

41. Ungliðaflokkur (skylda)

 Ungliðaflokkur er fyrir hunda á aldrinum 9 - 18 mánaða.

Í ungliðaflokki fær hundur skriflega umsögn og einkunn.

Þeir hundar sem hlotið hafa a.m.k. Very good, keppa um sætaröðun 1-4. Excellent hundar

 sem þykja svo framúrskarandi að gerð og byggingu og með svo óverulega galla að þeir

geta talist frammúrskarandi fulltrúar hundakynsins, geta hlotið Meistaraefni.

 Hundar sem hljóta Meistaraefni færast upp í keppni um besta rakka / bestu tík tegundar.

42. Unghundaflokkur (skylda)

 Unghundaflokkur er fyrir hunda á aldrinum 15-24 mánaða.

Í unghundaflokki fær hundur skriflega umsögn og einkunn.

Þeir hundar sem hlotið hafa a.m.k. Very good, keppa um sætaröðun 1-4. Excellent hundar

 sem þykja svo framúrskarandi að gerð og byggingu og með svo óverulega galla að þeir

geta talist frammúrskarandi fulltrúar hundakynsins, geta hlotið Meistaraefni.

 Hundar sem hljóta Meistaraefni færast upp í keppni um besta rakka / bestu tík tegundar.

43. Opinn flokkur (skylda)

 Opinn flokkur er fyrir hunda sem eru 15 mánaða og eldri.

Hunda með íslenska meistaranafnbót (ISCH, ISSCH) er ekki hægt að skrá í opinn flokk.

Í opnum flokki fær hundur skriflega umsögn og einkunn.

Þeir hundar sem hlotið hafa a.m.k. Very good, keppa um sætaröðun 1-4. Excellent

 hundar sem þykja svo framúrskarandi að gerð og byggingu og með svo óverulega galla

að þeir geta talist framúrskarandi fulltrúar hundakynsins, geta hlotið Meistaraefni.

 Hundar sem hljóta Meistaraefni færast upp í keppni um besta rakka / bestu tík tegundar.

44. Vinnuhundaflokkur (skylda)

 Vinnuhundaflokkur er fyrir hundakyn sem þurfa að skila vinnuprófi til að geta orðið

alþjóðlegir meistarar, (C.I.B.), sbr. sérákvæði um meistarareglur fyrir einstök hundakyn

(gr. 71-75). Flokkurinn er opinn hundum sem hafa uppfyllt kröfur skv. þeim og sem náð

hafa 15 mánaða aldri. Ath. að vottorð um árangur þarf að berast í síðasta lagi fyrir lok

skráningar.

Í vinnuhundaflokki fær hundur skriflega umsögn og einkunn.

Þeir hundar sem hlotið hafa a.m.k. Very good, keppa um sætaröðun 1-4. Excellent hundar

sem þykja svo framúrskarandi að gerð og byggingu og með svo óverulega galla að þeir

geta talist framúrskarandi fulltrúar hundakynsins, geta hlotið Meistaraefni.

 Hundar sem hljóta Meistaraefni færast upp í keppni um besta rakka / bestu tík tegundar.

45. Meistaraflokkur (skylda)

 Þessi flokkur er opinn fyrir hunda sem náð hafa viðurkenndum meistaratitli (C.I.B, C.I.E,

ISSCH, ISCH eða sambærilegum titlum FCI aðildarlanda eða frá félögum viðurkenndum

af FCI). Að baki slíkum titli þurfa að vera amk. tvö meistarastig frá landinu sem veitti

meistaranafnbótina og hundarnir þurfa að hafa náð 15 mánaða aldri.

Íslenskan meistara/sýningameistara skal skrá í meistaraflokk eða öldungaflokk.

Í meistaraflokki fær hundur skriflega umsögn og einkunn.

Þeir hundar sem hlotið hafa a.m.k. Very Good, keppa um sætaröðun 1-4. Þeir hundar sem

þykja svo framúrskarandi að gerð og byggingu og með svo óverulega galla að þeir geta

talist framúrskarandi fulltrúar hundakynsins, geta hlotið Meistaraefni.

Hundar sem hljóta Meistaraefni færast upp í keppni um besta rakka/bestu tík tegundar.

46. Öldungaflokkur (skylda)

 Til þátttöku í öldungaflokki má skrá hund sem náð hefur 8 ára aldri . Öldungur fær

skriflega umsögn og einkunn. Öldungar með a.m.k. Very good keppa um sætaröðun 1-4.

Öldungar í sérlega góðu formi geta hlotið Heiðursverðlaun. Excellent öldungar sem

þykja svo framúrskarandi að gerð og byggingu og með svo óverulega galla að þeir geta

talist framúrskarandi fulltrúar hundakynsins geta hlotið Meistaraefni.

Hundar með Meistaraefni færast upp í keppni um besta rakka/bestu tík tegundar.

47. Besti öldungur

 Rakki og tík með 1. sæti í öldungaflokki og Heiðursverðlaun eða Meistaraefni, keppa um

 titilinn Besti öldungur tegundar. Sigurvegari þeirrar keppni fer áfram í keppni um

 titilinn Besti öldungur sýningar. Það gildir þó ekki um hunda sem vinna tegundahóp sem

 hundakynið tilheyrir (BIG-1) og keppa til úrslita um Besta hund sýningar.

 Hundur sem skráður er í öldungaflokk getur hlotið íslenskt meistarastig, en hann getur

ekki keppt um alþjóðlegt meistarastig (CACIB) á alþjóðlegum sýningum.

48. Besti rakki tegundar / besta tík tegundar

 Allir hundar/tíkur sem hlotið hafa Meistaraefni keppa um sætaröðun 1-4 og titilinn Besti

 rakki tegundar / Besta tík tegundar.

 49. Besti hundur tegundar

 Besti rakki tegundar og besta tík tegundar keppa um titlana Besti hundur tegundar (BOB)

 og Besti hundur af gagnstæðu kyni (BOS). Dæmi fleiri en einn dómari viðkomandi

 tegund, skal sýningarstjórn tilnefna annan þeirra til að velja BOB.

 BOB keppir síðan um sætaröðun 1-4 í þeim tegundarhópi sem hundakynið tilheyrir.

50. Besti hundur tegundarhóps

 Á alþjóðlegum sýningum keppir BOB hvers hundakyns um titilinn Besti hundur

 tegundarhóps (BIG)og sætaröðun 1-4. Tegundarhópar eru tíu og gilda reglur FCI um

 hvaða hundakyn tilheyra hverjum. Dæma saman hunda í tegundarhópum 4 / 6 og hunda í

tegundarhópum 7 / 8.

51. Besti hundur sýningar

 Sigurvegari hvers tegundarhóps keppir til úrslita og sætaröðun 1-4 í Besta hund sýningar

(BIS).

52. Afkvæmahópur (valkvætt)

Rétt til þátttöku með afkvæmahóp hefur tík/rakki með þrjú til fimm afkvæmi. Afkvæmin

verða að vera skráð til þátttöku og sýnd í öðrum flokkum sýningar, þó ekki í

hvolpaflokkum. Sama gildir um undaneldistík/rakka sem verða að vera skráð til þátttöku

og sýnd í öðrum flokkum sýningar.

Afkvæmin og undaneldishundar mega ekki hljóta einkunnina 0 eða Ekki hægt að dæma.

 Aðeins má sýna undaneldisrakkann/tíkina með einn afkvæmahóp á viðkomandi sýningu.

Afkvæmin verða að vera af sömu stærð og hafa sama feldlag.

Eigandi/sýnandi undaneldishunds/tíkur velur sjálfur þau afkvæmi sem hann vill sýna í

afkvæmahópi. Sýnandi afkvæmahóps skal tímalega tilkynna hringstjóra hvaða afkvæmi

hann hefur valið og gera eigendum þeirra viðvart í tíma.

Hópurinn fær umsögn og einkunn sem ein heild. Til að unnt sé að veita afkvæmahópi

 Heiðursverðlaun er megin áhersla lögð á að hópurinn sé jafn að gerð og gæðum og

 samleitur undaneldishundinum/tíkinni og telst það tegundinni frekar til framdráttar en sá

árangur og einkunnagjöf sem einn einstakur hundur í hópnum hefur hlotið.

Sýnanda/eiganda ber að sýna hund í afkvæmahópi, óski eigandi ræktunartíkur/hunds

þess.

Besti afkvæmahópur tegundar með Heiðursverðlaun keppir til úrslita um Besta

 afkvæmahóp sýningar (eða dagsins, ef sýningin stendur í tvo eða fleiri daga).

53. Ræktunarhópur (valkvætt)  

Ræktunarhópur samanstendur af þremur til fimm hundum af sömu tegund frá einum og

sama ræktanda (með sama ræktunarnafn). Ef fleiri en einn eru skráðir ræktendur hópsins

skal þess getið. Ef aðili er ræktandi og jafnframt meðræktandi að öðru goti, má ekki sýna

þau afkvæmi saman í ræktunarhópi.

Aðeins má sýna einn ræktunarhóp af sömu tegund frá sama ræktanda á viðkomandi

sýningu.

Hundarnir verða að vera af sama stærðarflokki og hafa sama feldlag og lit, þar sem það

skiptir máli, og vera skráðir til þátttöku í öðrum flokkum sýningar, þó ekki í

hvolpaflokkum. Hundarnir mega ekki hljóta 0 í einkunn eða Ekki hægt að dæma.

Hópurinn fær umsögn og einkunn sem ein heild. Til að unnt sé að veita ræktunarhópi 

Heiðursverðlaun er megin áhersla lögð á að hópurinn sé jafn að gerð, gæðum og útliti, og

 telst það tegundinni meira til framdráttar en sá árangur og einkunnagjöf, sem einn

einstakur hundur í hópnum hefur hlotið.

Ræktandi skal gera eigendum hunda sem hann hefur valið að sýna í ræktunarhópi viðvart

í tíma. Ræktandi skal tilkynna tímalega til hringstjóra hvaða hunda hann hefur valið.

Sýnanda/eiganda ber að sýna hund í ræktunarhópi, óski ræktandi þess.

Besti ræktunarhópur tegundar með Heiðursverðlaun keppir til úrslita um Besta

ræktunarhóp sýningar (eða dagsins, ef sýningin stendur í tvo eða fleiri daga).

54. Parakeppni (valkvætt)

Í parakeppni er rakki og tík af sömu tegund í eigu sama aðila sýnd saman. Hundarnir

verða að vera eldri en 9 mánaða. Tilgangur með parakeppni er að sýna fram á samleitni

milli rakka og tíkur. Pör fá sætaröðun og par sem er frammúrskarandi að gæðum getur

fengið Heiðursverðlaun. Besta par tegundar með Heiðursverðlaun keppir áfram um

 besta par sýningar (eða dagsins, ef sýningin stendur í tvo eða fleiri daga).

 Sérstök ákvæði:

55. Dachshund (langhund) og Poodle verður að skrá og sýna í þeim stærðarflokki sem

skráður er í ættbók. Endanleg staðsetning í stærðarflokk ákvarðast af dómara á fyrstu

sýningu eftir að hundur hefur náð 15 mánaða aldri. Mæling dómara er bindandi. Þó er

mögulegt að bera fram skriflega kvörtun til HRFÍ. Sé það gert, verður að fá samdóma álit

tveggja sérfræðinga og er niðurstaða þeirra endanleg. Hljótist einhver kostnaður af þessu,

skal eigandi hundsins bera hann.

 Dachshund

 Dachshund: Brjóstummál 35 cm. Efri þyngdarmörk um 9 kg.

 Miniature Dachshund: Brjóstummál frá 30 til 35 cm.

 Rabbit Dachshund : Brjóstummál að 30 cm.

Poodle:

 Standard poodles: Yfir 45 cm til 60 cm með frávikum upp á 2 cm.

 Medium poodles :Yfir 35 cm til 45 cm.

 Miniature poodles : Yfir 28 cm til 35 cm

 Toy poodles : Undir 28 cm (æskileg stærð um 25 cm).

 The Papillon Continental Toy Spaniel / The Phalene Continental Toy Spaniel

 Hvolpar undan Papillon og Phalene eru skráðir það afbrigði sem ræktandi telur þá vera

við 8 vikna aldur. Varðandi umskráningu á Papillon í Phalene eða Phalene í Papillon, þá

þarf hundurinn að vera sýndur eftir 15 mánaða aldur á viðurkenndri FCI sýningu áður en

hann er umskráður.

Telji eigandi hundinn vera annað afbrigði en hann var upphaflega skráður í ættbók, skal

skrá hann á sýningu sem það afbrigði sem eigandi telur hundinn vera. Ef dómari

samþykkir hundinn sem það afbrigði, er hægt að láta umskrá afbrigðið í ættbók.

 Ungir sýnendur

56. Keppni ungra sýnenda er skipt í tvo aldursflokka. Þeir ungu sýnendur sem verða 10

ára á sýningarárinu taka þátt í yngri flokki en ungir sýnendur 14 ára og eldri (ártalið

gildir) taka þátt í eldri flokki. Ungir sýnendur geta keppt í keppni ungra sýnenda út 17.

aldursárið (ártalið gildir).

57. Ungum sýnanda er óheimilt að sýna tík sem er að lóða. Starfsfólki sýningar er heimilt

að vísa ungum sýnanda frá keppni mæti hann með lóðatík.

58. Sá hundur sem ungmennið sýnir, verður að vera fullra 9 mánaða á sýningardag (sbr.

gr. 38), skráður í ættbók HRFÍ og uppfylla þær reglur sem HRFÍ setur um sýningu hunda

á sýningum HRFÍ.

59. Lögð er áhersla á að dæma framkomu unga sýnandans í dómhring, samspil hans og

hunds og jafnframt hvernig hundur er sýndur.

60. Skráning í keppni ungra sýnenda verður að vera á sér skráningarblaði sem fæst á

skrifstofu HRFÍ. Skráning telst ekki gild nema allar upplýsingar séu til staðar á

skráningarblaði og að greiðsla hafi borist áður en skráningafresti lýkur.

61. Einkunna-og verðlaunaborðar

Besti hundur tegundar (BOB):                                 Rauður og gulur borði

Besti hundur af gagnstæðu kyni (BOS):                   Hvítur og grænn borði

Alþjóðlegt meistarastig (CACIB):                            Hvítur borði

Vara-alþjóðlegt meistarastig (Reserve CACIB):       Appelsínugulur borði

Meistarastig:                                                              Borði í íslensku fánalitunum

Meistaraefni:                                                             Bleikur borði

Meistaranafnbót:                                                       Rauður og grænn borði

Heiðursverðlaun:                                                       Fjólublár borði

Einkunn í gæðadómi:

Excellent :                                                                 Rauður borði

Very good:                                                                Blár borði

Good:                                                                        Gulur borði

Sufficient:                                                                 Grænn borði

0.einkunn:                                                                  Ekki gefinn borði

"Ekki hægt að dæma":                                              Ekki gefinn borði

Sætaröðun

1. sæti:                                                                       Rauður borði

2. sæti:                                                                       Blár borði

3. sæti:                                                                       Gulur borði

4. sæti:                                                                       Grænn borði

Hundaræktarfélag Íslands áskilur sér allan rétt til að ákveða hvort og þá hvernig verðlaun

eru veitt á sýningum félagsins.

Undanþágur

 62. Stjórn Hundaræktarfélags Íslands getur, sé til þess brýn þörf eða aðstæður, gefið

undanþágur frá sýningareglum.

 Meistaratitlar

63. Íslenskur meistari (ISCh)

Til að hundur geti orðið íslenskur meistari verður hann að hafa fengið þrjú stig til

meistara á þremur sýningum HRFÍ, hjá þremur mismunandi dómurum. Eitt af þeim

stigum skal veitt eftir 24 mánaða aldur hundsins. Hundar af vinnuhundakyni, sbr.

sérreglur um meistaratitil fyrir vinnuhunda, verða einnig að uppfylla kröfur um árangur í

vinnuprófum.

Hundur sem hlotið hefur meistaranafnbót hjá hundaræktarfélagi viðurkenndu af HRFÍ

(FCI), þarf eitt íslenskt meistarastig á sýningu á vegum HRFÍ, eftir 24 mánaða aldur, til

að geta fengið íslenska meistaranafnbót.

64. Íslenskur sýningameistari (ISShCh)

 Hundar af vinnuhundakyni (sbr. sérákvæði fyrir nokkrar tegundir vinnuhunda) geta orðið

íslenskir sýningameistarar (ISShCh) eftir að hafa fengið þrjú stig til meistara á þremur

sýningum HRFÍ, hjá þremur mismunandi dómurum. Eitt af þeim stigum skal veitt eftir

24 mánaða aldur hundsins.

Hundur sem hlotið hefur sambærilega sýningameistaranafnbót hjá hundaræktarfélagi

viðurkenndu af HRFÍ, þarf eitt íslenskt meistarastig á sýningu á vegum HRFÍ, eftir 24

mánaða aldur, til að geta fengið íslenska sýningameistaranafnbót.

65. Eigandi hunds skal sækja um íslenska meistara- og sýningameistaranafnbót á þar til

gerðu eyðublaði á skrifstofu HRFÍ. Með umsókninni skulu fylgja öll nauðsynleg gögn.

Við veitingu íslenskrar meistaranafnbótar (ISCH), fellur niður íslenskur

sýningameistaratitill (ISShCh) sem sami hundur kann að hafa hlotið, enda felst sá árangur

sem liggur að baki honum í ISCh titlinum.

66. Þegar hundur hefur hlotið staðfestingu á íslenskri meistara- eða

sýningameistaranafnbót, skal hann sýndur í meistara- eða öldungaflokki. Ekki er hægt að

skrá hund til þátttöku í meistaraflokki nema að staðfesting um meistaranafnbótina liggi

fyrir áður en skráningafresti lýkur.

67. Alþjóðlegur meistari (C.I.B.)

Til að hljóta alþjóðlegan meistaratitil þarf hundur að hljóta fjögur alþjóðleg meistarastig

(CACIB) á fjórum alþjóðlegum sýningum, sjá þó sérreglur um meistaratitil fyrir

vinnuhunda (gr. 71-75). A.m.k. eitt ár verður að líða frá því að hundur fær sitt fyrsta stig

og til þess fjórða. Þá skulu stigin hafa verið veitt af dómurum af a.m.k. þremur þjóðernum

frá FCI aðildarlöndum.

68. Alþjóðlegur sýningameistari (C.I.E.)

Hundar af vinnu- og veiðihundakyni sem sýna þurfa fram á árangur í vinnuprófum til að

eiga kost á C.I.B. titli, sbr. sérreglur um meistaratitil fyrir vinnuhunda (gr. 71-75), geta

hlotið alþjóðlegan sýningameistaratitil með því að hljóta fjögur alþjóðleg meistarastig

(CACIB) á fjórum alþjóðlegum sýningum frá dómurum af a.m.k. þremur þjóðernum frá

FCI aðildarlöndum. A.m.k. eitt ár verður að líða frá því að hundur fær sitt fyrsta stig og

til þess fjórða.

69. Eigandi sækir um alþjóðlegan meistara- og sýningameistaratitil fyrir hund á þar til

gerðu eyðublaði á skrifstofu HRFÍ. Umsókninni skulu fylgja þau gögn sem sanna að

hundurinn hafi uppfyllt skilyrði FCI til þessara titla. Hundur telst ekki alþjóðlegur

meistari eða sýningameistari fyrr en staðfesting um titilinn hefur borist HRFÍ frá FCI.

70. Norðurlandameistaratitill

Til að hundur geti fengið Norðurlandameistaranafnbót (NORDUCH) þarf hann að hafa

hlotið meistaranafnbót hjá þremur hundaræktarfélögum á Norðurlöndum (NKU).

Eigandi getur sótt um þennan titil á þar til gerðu eyðublaði á skrifstofu HRFÍ.

Með umsókninni skulu fylgja þau gögn sem sanna að hundurinn uppfylli þær kröfur sem

gerðar eru hjá Hundaræktarfélögunum á Norðurlöndum (FCI). Veiting á þessum titli er

alfarið háð samþykki viðkomandi Hundaræktarfélaga.

Sérákvæði um meistarareglur fyrir vinnuhunda

(Gildir fyrir hunda sem fæddir eru eftir 1. janúar 1999).

71. Ákvæði fyrir schäfer hund (166) í tegundarhópi 1.

Schäfer hundur þarf að uppfylla eftirfarandi skilyrði til að hljóta titilinn íslenskur meistari

(ISCH):

a. Að hafa hlotið þrjú meistarastig á sýningum HRFÍ, hjá þremur mismunandi

dómurum, þar af eitt stig eftir 24 mánaða aldur.

b. Hundur þarf að vera röntgenmyndaður m.t.t. mjaðmaloss (HD) og olnbogaloss

(AD)* (*Gildir fyrir hunda fædda eftir 1. janúar 2005) og niðurstöður þurfa að

liggja fyrir.

c. Hundur þarf að hafa varanlegt auðkenni (örmerki/húðflúr).

d. Hundur þarf að hafa staðist vinnueiginleikapróf sem hér segir:

i. Skapgerðarmat.

ii. Sporleitarpróf viðurkennt af HRFÍ eftir 9 mánaða aldur.

iii. Bronsmerki í hlýðni. (Gildir fyrir hunda fædda eftir 1. janúar 2004).

e. Innfluttur hundur með IPOI próf (Schutzhund, SCHH1) jafngildir lið ii og iii.

72. Til að vinnuhundar sem tilheyra tegundahópum 1, 2, 3, 4, 5, 6 og vatna- og

spanielhundar (Flushing/Water) í tegundahópi 8 og fædd eru eftir 1. janúar 2004 (Gildir

um hundakyn sem þurfa að skila vinnuprófum skv. Breeds nomenclature lista FCI -

stjörnumerktir í Working trials reit, án sviga), hljóti titilinn íslenskur meistari (ISCH),

gilda eftirfarandi reglur:

a. Að hafa hlotið þrjú meistarastig á sýningum HRFÍ, hjá þremur mismunandi

dómurum, þar af eitt stig eftir 24 mánaða aldur.

b. Skapgerðarmat

c. Sporleitarpróf viðurkennt af HRFÍ eftir 9 mánaða aldur.

d. Bronsmerki í hlýðni. (Gildir fyrir hunda fædda eftir 1. janúar 2004).

e. Innfluttur hundur með IPOI próf (Schutzhund, SCHH1) jafngildir lið c og d.

f. Smalaeðlispróf fyrir fjárhunda (jafngildir lið c og d).

73. Vinnuhundar (Working/Utility) í tegundahópi 1, 2, 3, 4, 5 6 og vatna- og

spanielhundar (Flushing/Water) í tegundahópi 8 (Gildir um hundakyn sem þurfa að skila

vinnuprófum skv. Breeds nomenclature lista FCI - stjörnumerktir í Working trials reit, án

sviga), þurfa að uppfylla eftirtalin skilyrði til að að hljóta titilinn Alþjóðlegur meistari

(C.I.B):

a. Tvö alþjóðleg meistarastig (CACIB) í einu eða fleiri löndum, frá tveimur

dómurum af mismunandi þjóðerni og frá tveimur FCI aðildarlöndum. Eitt ár og

einn dagur verða að líða milli fyrsta og síðasta alþjóðlegs meistarastigs. Dæmi: frá

1. janúar 2004 til 1. janúar 2005.

b. Skapgerðarmat

c. Bronsmerki í hlýðni

d. Sporleitarpróf I, viðurkennt af HRFÍ

e. Innfluttur hundur með IPOI próf (Schutzhund, SCHH1) jafngildir lið c og d.

Að öðru leyti gilda sýningareglur HRFÍ.

74. Ákvæði fyrir tegundahóp 7

Hundur í tegundahópi 7 þarf að uppfylla eftirfarandi skilyrði til að hljóta titilinn íslenskur

meistari (ISCH):

a. Að hafa hlotið þrjú meistarastig á sýningum HRFÍ, hjá þremur mismunandi

dómurum, þar af eitt stig eftir 24 mánaða aldur.

b. Hundur þarf að vera röntgenmyndaður m.t.t. mjaðmaloss (HD) og niðurstöður þurfa

að liggja fyrir.

c. Hundur þarf að hafa varanlegt auðkenni (örmerki /húðflúr).

d. Hundur þarf að standast vinnueiginleikapróf sem hér segir: Að hljóta a.m.k. 2.

einkunn í unghundaflokki eða 3. einkunn í opnum flokki í veiðiprófi viðurkenndu

af HRFÍ.

Einnig þarf hundur úr tegundahópi 7 að uppfylla eftirtalin skilyrði til að hljóta titilinn

Alþjóðlegur meistari (C.I.B.):

a. Tvö alþjóðleg meistarastig (CACIB) í einu eða fleiri löndum, frá tveimur dómurum

af mismunandi þjóðerni og frá tveimur FCI aðildarlöndum. Eitt ár og einn dagur

verða að líða milli fyrsta og síðasta alþjóðlegs meistarastigs. Dæmi: frá 1. janúar

2004 til 1. janúar 2005.

b. Hafa lokið veiðiprófi í samræmi við eiginleika viðkomandi hundakyns á veiðiprófi

viðurkenndu af HRFÍ.

Að öðru leyti gilda sýningarreglur HRFÍ.

75. Ákvæði fyrir tegundahóp 8

Retrieverhundur þarf að uppfylla eftirfarandi skilyrði til að til að hljóta titilinn íslenskur

meistari (ISCH):

a. Að hafa hlotið þrjú meistarastig á sýningum HRFÍ hjá þremur mismunandi

dómurum, þar af eitt stig eftir 24 mánaða aldur.

b. Retrieverhundur þarf að hafa varanlegt auðkenni (örmerki/húðflúr).

c. Retrieverhundur þarf að standast vinnueiginleikapróf sem hér segir:

Að hljóta a.m.k. 3. einkunn í opnum flokki á B retriever- veiðiprófi, viðurkenndu

af HRFÍ.

Einnig þarf hundur úr tegundahópi 8 að uppfylla eftirtalin skilyrði til að hljóta titilinn

Alþjóðlegur meistari (C.I.B):

a. Tvö alþjóðleg meistarastig (CACIB) í einu eða fleiri löndum, frá tveimur

dómurum af mismunandi þjóðerni og frá tveimur FCI aðildarlöndum. Eitt ár og

einn dagur verða að líða milli fyrsta og síðasta alþjóðlegs meistarastigs. Dæmi: frá

1. janúar 2004 til 1. janúar 2005.

b. Hafa lokið veiðiprófi viðurkenndu af HRFÍ í samræmi við eiginleika viðkomandi

hundakyns.

Að öðru leyti gilda sýningareglur HRFÍ.

 Skammstafanir

CACIB: Alþjóðlegt meistarastig

Res-CACIB: Vara-alþjóðlegt meistarastig

FCI: Alþjóðasamtök hundaræktafélaga

HD: Mjaðmalos

AD: Olnbogalos

HRFÍ: Hundaræktarfélag Íslands

C.I.B: Alþjóðlegur meistari

C.I.E: Alþjóðlegur sýningameistari

ISCh: Íslenskur meistari

ISShCh: Íslenskur sýningameistari

Útreikningur stiga

1. Stigaútreikningur fyrir stigahæsta hund ársins

 Gefin eru stig til fjögurra efstu hunda í hverjum tegundahópi.

Stigagjöf fyrir sætaröðun í tegundahópi fer eftir fjölda skráðra hunda í tegundinni á

viðkomandi sýningu.

Stig eru aðeins gefin á opnum ræktunarsýningum félagsins á viðkomandi almanaksári,

þar sem allar hundategundir geta tekið þátt.

Stigahæsti hundur ársins er heiðraður á lokasýningu ár hvert.

Besti hundur sýningar, stigafjöldi eftir sætaröðun:

BHS-                                      1 12 stig.

BHS-                                      2 11 stig.

BHS-                                      3 10 stig.

BHS-                                      4 9 stig.

Stig fyrir hunda, eftir úrslit í tegundahóp og fá ekki sæti í BHS

Fjöldi

skráðra

hunda í

tegund

1. sæti             2.sæti              3.sæti              4.sæti

1-5                   4                      3                      2                      1

6-10                5                      4                      3                      2

11-20              6                      5                      4                      3

21-40              7                      6                      5                      4

41 og fleiri      8                      7                      6                      5

 2. Stigaútreikningur fyrir stigahæsta öldung ársins

 Stigagjöf fyrir öldung fer eftir fjölda skráðra öldunga í tegundinni á viðkomandi sýningu.

Stig eru aðeins gefin á opnum ræktunarsýningum félagsins á viðkomandi almanaksári,

þar sem allar hundategundir geta tekið þátt. Aðeins besti öldungur tegundar (BÖT) með

framhaldseinkunn (m.efni eða heiðursverðlaun) getur fengið stig enda keppir hann í

úrslitum um besta öldung sýningar (BÖS).

Stigahæsti öldungur ársins er heiðraður á síðustu sýningu ár hvert.

Besti öldungur sýningar, stig eftir sætaröðun:

BÖS-1            12 stig

BÖS-2            11 stig

BÖS-3            10 stig

BÖS-4            9 stig

3. Stigaútreikningur fyrir stigahæsta unga sýnanda ársins

Stig eru aðeins gefin á opnum ræktunarsýningum félagsins á viðkomandi almanaksári,

þar sem allar hundategundir geta tekið þátt.

Stigahæstu ungu sýnandur ársins eru heiðraðir á síðustu sýningu ár hvert.

Stigagjöf fyrir unga sýnendur:

Þeir sem komast í 8 manna úrslit fá 10 stig hver.

Stigafjöldi eftir sætaröðun

1. sæti:            50 stig

2. sæti:            40 stig

3. sæti:            30 stig

4. sæti:            20 stig