Framlendur frestur 10. júni 2011

Skráningarfrestur á deildarsýningu Schäferdeildarinnar hefur verið framlengdur fram á næsta föstudag, þann 10. júní.

Næsta ganga er fyrirhuguð á mánudaginn næsta, 13. júní, sem er Annar í hvítasunnu. Við munum hittast við Grillhúsið Sprengisandi kl 14 og taka um það bil klukkustundargöngu um Elliðaárdalinn. Eftir gönguna geta þeir sem vilja sest niður inn á Grillhúsið í smá spjall.

Sporapróf Schäferdeildarinnar verður haldið sunnudaginn 17. júlí. Sporaprófið er haldið í tengslum við deildarsýninguna og mun vonandi nýtast fólki vel að geta sótt sýningu og próf sömu helgi. Albert Steingrímsson verður dómari og er prófgjald það sama og í önnur próf á vegum Vinnuhundadeildarinnar. Skráning fer í gegnum deildina. Vinsamlega sendið okkur póst á [email protected] með helstu upplýsingum og hægt verður að millifæra á reikning deildarinnar. Upplýsingar sem þurfa að koma fram eru: nafn hunds, nafn eiganda, hvaða sporapróf (1,2,3) ásamt símanúmeri og emaili sem hægt er að ná í ef breytingar verða. Reikningsnúmer deildarinnar er 0586-26-691010 og kt. er 691010-0230. Vinsamlega setjið nafn hunds sem skýringu með millifærslunni.

Á laugardagskvöldinu, eftir deildarsýninguna, verður farið út að borða. Allir meðlimir deildarinnar eru velkomnir og dómari sýningarinnar, Fredrik Steen, mun eyða kvöldinu með okkur. Stjórn deildarinnar er að leita eftir tilboðum á veitingastöðum og eru allar ábendingar vel þegnar.

Sýningarúrslit síðustu sýningar koma inn fljótlega ásamt umsögnum.