Að sýna hund - Fyrirlestur

Brynja Tomer heldur erindi um hundasýningar fimmtudaginn 24. september næstkomandi í félagsheimili Andvara á Kjóavöllum í Garðabæ. Erindið hefst kl. 19 og verður um 45 mínútna langt.

Farið verður yfir ólíkar aðferðir við að stilla hundum upp fyrir dómara og það sem hafa ber í huga þegar hundur er sýndur. Einnig verður farið yfir heppilegan klæðnað, taumhald og sitthvað fleira, ásamt því sem farið verður yfir helstu atriði í sýningareglum.

Þátttakendur fá ljósrit af þeim glærum sem notaðar verða til útskýringa.

Í beinu framhaldi verður sýningaþjálfun í reiðhöll Andvara á vegum Fuglahunda- Schnauzer- og Shih Tzu-deilda HRFÍ.

Aðgangseyrir er 500 krónur á mann.