Skapgerðarmat

Á stjórnarfundi stjórnar Hundaræktarfélags Íslands þann 9. febrúar 2011 var samþykkt að fella niður kröfur um skapgerðamat hjá þeim tegundum þar sem þess er krafist, sem skilyrði til að hljóta titilinn íslenskur meistari, vegna ónógs framboðs af skapgerðamötum.  FCI hefur verið tilkynnt um ákvörðunina og óskað eftir að þeir geri hið sama varðandi titilinn C.I.B. 

Stjórn HRFÍ finnst leiðinlegt að málin séu í þeim farvegi að fella þurfi niður kröfurnar.

Frá og með 1. apríl 2011 fellur niður ákvæði um skapgerðarmat fyrir schäferhunda, vinnuhunda sem tilheyra tegundahópum 1, 2, 3, 4, 5, 6 og vatna- og spanielhundar (Flushing/Water) í tegundahópi 8 (Gildir um hundakyn sem þurfa að skila vinnuprófum skv. Breeds nomenclature lista FCI - stjörnumerktir í Working trials reit, án sviga) sem sérákvæði til að hljóta titilinn íslenskur meistari (ISCh).