Jæja loksins búin að setja inn fleiri upplýsingar á síðuna hjá mér. Af hvolpunum er allt gott að frétta þau stækka og stækka. Þegar þau voru mæld í gær var Ice Tindru Bentley orðin þyngstur 918 gr. og á eftir honum kemur hún Ice Tindra Blues 882 gr. hún gefur strákunum ekkert eftir. Það er greinilegt að hún Sasha er sko að mjólka vel fyrir þau.

Schafer hvolpar 4 daga gamlir
Allt gengur vel með schafer hvolpana, þeir stækka og stækka. Klipptum neglur í gær svo er nefið orðið svart en þeir fæðast með bleikt nef. Sasha farin að koma aðeins meira fram annars er hún búin að liggja nánast 24 tíma hjá hvolpunum, rétt farið út að pissa og fá sér að borða. Búin að setja inn nýjar myndir og líka myndband góða skemmtun
Baron =gult
Blues =rautt
Bart  =blátt
Bravo=grænt
Bentley=svart
  

Sýningarþjálfun í Keflavík

Sýningarþjálfun fyrir vorsýninguna verður í gömlu reiðhöllinni (bláu) við Mánagrund á eftirfarandi tímum:

Þriðjudagur 10. febrúar kl. 19 - Allir hundar
Þriðjudagur 17. febrúar kl. 19 - litlir hundar, kl. 20 - stórir hundar
Þriðjudagur 24. febrúar kl. 19 - litlir hundar,  kl. 20 - stórir hundar

Hver tími kostar kr. 500.

Breytt Breytt

 Allt gengur vel með hvolpaskottin þau þyngjast og stækka.
Búið að gefa þeim nöfn og þau heita.
Ice Tindra Baron
Ice Tindra Blues
Ice Tindra Bravo
Ice Tindra Bart
Ice Tindra Bentley

Aragon er alveg heillaður að systkynum sínum, vill helst fara með mömmu sinni í gotkassann og hjálpa til við að þrífa þá og passa.
Sasha er ótrúlega góð við hann að leyfa honum að koma svona nálægt kassanum.
Búin að setja inn nýjar myndir.

Baron að kúra hjá mömmu sinni.


Aragon að hjálpa til við að þrífa Bart.

Sasha mín lætur bíða eftir sér. Henni líður bara vel, fórum í göngutúra í dag. Aragon skilur ekkert í þessari leti í Söshu að hún vilji ekki leika við sig, ekki ánægður með þetta.  Sasha er farin að minnka að borða þannig að þetta hlýtur að fara að koma bráðleg.  

Sasha fitnar og fitnar. Henni líður mjög vel er hin kátasta og er dugleg að borða. Það eru komnar fullt af hreyfingum hjá hvolpunum. Þegar Sasha liggur á hliðinni þá sér maður magann ganga til og frá. Mikið fjör þarna inni.   Öllum farið að hlakka til að sjá krílin koma í heiminn, en það fer að koma að því á næstu dögum

Frá Unglingadeild.

Vegna frábærar þátttöku félaga HRFÍ á sýningarþjálfanir Unglingadeildarinnar í byrjun árs hefur Unglingadeildin ákveðið að breyta örlítið skipulaginu. Hingað til hefur skipulag sýningarþjálfunarinnar verið þannig að allir tegundarhópa eigi að mæta á sama tíma. En eins og fyrr sagði hefur þátttakan verið það góð að þjálfarar unglingadeildarinnar ná ekki að sinna hverjum og einum eins og best væri á kosið. Til þess að koma í veg fyrir að svo verði áfram verða höfum við ákveðið að skipta sýningarþjálfuninni upp, það er að segja. Ungir sýnendur verða frá 17-18, tegundarhópar 1-5 frá 18-19 og tegundarhópar 6-10 frá 19 - 20

Við vonumst til að þetta leiði til betri og skipulagðari sýningarþjálfana. Við erum afskaplega þakklátar fyrir þessa góðu mætingu og þann mikla stuðning sem félagsmenn hafa sýnt okkur, því munum við áfram reyna að gera okkar besta til að sýningarþjálfunin megi vera sem nytsamlegust. Liður í því er að fjölga tímunum og þjálfurum.

Við biðjumst jafnframt velvirðingar á þeim óþægindum sem þið kunnið að hafa orðið fyrir vegna plássleysis á sýningarþjálfunum undan farin tvö skipti.

Sýningarþjálfanir verða þá sem hér segir:

Sunnudaginn 25. janúar í Gusti:
Ungirsýnendur kl. 17-18,
tegundarhópur 1-5 og
tegundarhópur 6-10 kl: 19-20
Sunnudaginn 1. febrúar í Gusti
Ungirsýnendur kl. 17-18,
tegundarhópur 1-5 og
tegundarhópur 6-10 kl: 19-20

Sunnudaginn 8. febrúar: Auglýst síðar.
Sunnudaginn 15. febrúar: Auglýst síðar.
Sunnudaginn 22. febrúar: Auglýst síðar.

Jafnframt vegna góðrar mætingu verður óþarft að skrá sig á sýningarþjálfanirnar 8- 22 febrúar. Við þökkum þó þær góðu undirtektir sem við fengum, en fjöldi skráninga hefur borist.

Að venju kostar hvert skipti 500kr og rennur sá peningur óskiptur til þess að styrkja keppendur Unglingadeildarinnar erlendis. En Unglingadeildin með dyggri aðstoð HRFÍ, Dýrheima og SS sendir fulltrúa á helstu sýningar erlendis.
Sá ungi sýnandi sem er stigahæstur eftir árið í eldri flokk keppir á Crufts. Annar stigahæsti ungi sýnandinn í eldri flokk keppir á Heimssýningunni og þriðji stigahæsti ungisýnandinn keppir á Evrópusýningunni. Síðan fer fjögurramanna lið skipað fjórum stigahæstu ungu sýnendunum úr eldri flokk á Norðurlandakeppni ungra sýnenda.

Athugið að mikilvægt er að mætt sé á réttum tíma á æfingarnar svo þær geti byrjað á tilsettum tíma. Einnig er mikilvægt að fólki taki með sér kúkapoka, sýningartaum og nammi eða dót fyrir hundinn.

F.h. stjórnar Unglingadeildarinnar,
Jónína Sif