Sýningaþjálfun á vegum Unglingadeildar HRFÍ fyrir vorsýningu félagsins hefst sunnudaginn 11. Janúar. Sýningaþjálfunin fer fram í Gusti sunnudagana 11. 18. 25 og 1. Febrúar. En staðsetning seinni þrjá sunnudagana verður auglýst síðar.
 

Hinsvegar vegna aukins fjölda á sýningaþjálfunum Unglingadeildarinnar, verða síðustu þrír sunnudagarnir bundnir skráningu.Þannig mun unglingadeildin geta raðað niður hundum þannig að hæfilegur fjöldi sé í hverjum tíma og með því minnkað bið og aukið gæði þjálfunarinnar. Sama verð verður á þessum sýningaþjálfunum og hefur verið, hins vegar þarf að greiða fyrir alla þrjá tímana í fyrsta tímanum. Skráningingu lýkur Sunnudaginn 25 janúar en tekið er við skráningu á [email protected] Það sem þarf að koma fram í skráningu er Nafn og símanúmer eiganda sem og nafn og tegund hunds.

Það er von stjórnar unglingadeildarinnar að þetta mælist vel fyrir,en með þessu móti erum við að reyna að koma á móts við hinn almenna sýnanda.

Sýningarþjálfun:
Sunnudaginn 11. Janúar í Gusti: Ungirsýnendur kl. 17-18, hinn almenni sýnandi kl. 18-19
Sunnudaginn 18. Janúar í Gusti: Ungirsýnendur kl. 17-18, hinn almenni sýnandi kl. 18-19
Sunnudaginn 25. Janúar í Gusti: Ungirsýnendur kl. 17-18, hinn almenni sýnandi kl. 18-19
Sunnudaginn 1. Febrúar í Gusti: Ungirsýnendur kl. 17-18, hinn almenni sýnandi kl. 18-19

Sunnudaginn 8. Febrúar: Auglýst síðar.
Sunnudaginn 15. Febrúar: Auglýst síðar.
Sunnudaginn 22. Febrúar: Auglýst síðar.

Að venju kostar hvert skipti 500kr og rennur sá peningur óskiptur til þess að styrkja keppendur Unglingadeildarinnar erlendis. En Unglingadeildin með dyggri aðstoð HRFÍ senda fulltrúa á helstu sýningar erlendis. Sá ungi sýnandi sem er stigahæstur eftir árið í eldri flokk keppir á Crufts. Annar stigahæsti ungi sýnandinn í eldri flokk keppir á Heimssýningunni og þriðji stigahæsti ungisýnandinn keppir á Evrópu sýningunni. Síðan fer fjögurramanna lið skipað fjórum stigahæstu ungu sýnendunum úr eldri flokk á Norðurlandakeppni ungra sýnenda.

Athugið að mikilvægt er að mætt sé á réttum tíma á æfingarnar svo þær geti byrjað á tilsettum tíma. Einnig er mikilvægt að fólki taki með sér kúkapoka, sýningartaum og nammi eða dót fyrir hundinn.

Kær kveðja,
Jónína Sif, formaður Unglingadeildar.

Dráttarhunda námskeið á vegum Spítzhundadeildar HRFÍ
Vegna mikillar aðsóknar verða haldin 2 námskeið dagana 22. og 23. nóvember.

Jæja þá er komið að því að starta þessu frábæra sporti hér á Klakanum!

Og því höfum við fengið til liðs við okkur 2 bestu leiðbeinedurnar hér á Íslandi, þá feðga Aron og Einar frá Hofsnesi í Öræfum.
Þeir feðgar reka ferðaþjónustuna Örævaferðir og sérhæfa sig í fjallamennsku. Aron var í læri í Ítalíu í hálft ár þar sem hann lærði allt um Sleða sportið frá A-Ö.

Á námskeiðinu verður farið í grunn undirstöðu atriði fyrir þjálfun dráttarhunda, og misjafnar greinar innan dráttarsportsins. ss. Bike-jöring, Ski-jörng, hiking með hunda, línuskauta með hunda, sleða sportið og í raun hvað sem þú vilt nota hundinn þinn í að draga.
Það er mikilvægt að fara rétt að þegar byrjað er að láta hundana taka líkamleag á.

Námskeiðsgestir fá einnig kennslu í því að gera tauma og lykkjur til að nota við sportið.

Einar fjallaleiðsögumaður verður einnig með fyrirlestur um fjallgöngur með hunda og mun kynna fyrir okkur sérstaka ferð sem verður farin næsta sumar uppá Hvannadalshnjúk sérsniðin fyrir hundafólk.
Takmarkað pláss er í ferðina og gefst námskeiðsgestum tækifæri á að kaupa pláss í ferðina á sérstöku tilboðsverði. Eða 15.000 krónur!

Eftir áramót er svo áætlað að halda sérstakan Bláfjalladag þar sem við munum halda sleðakeppni og ski-jöring. Spítzhundadeildin mun þá vera með kynnigu á sleðahundum og margt fleira skemmtilegt í boði fyrir alla fjölskylduna.

Námskeiðið kostar aðeins 5.500 krónur og mun vara allan daginn, bæði bóklegt og verklegt.
Það eina sem þarf til að taka þátt er áhuginn, við sköffum farartæki, ss sleða, skíði, hjól og scooder en fólki er frjálst að mæta með hvaða faratæki sem er.

Á námskeiðinu verða einnig kynnt ný íslensk dráttarbeisli og gefst kostur á því að láta mæla hundinn sinn og pannta eftir máli.

Nánari dagskrá og tími verða gefinn upp síðar fyrir þá sem skrá sig.

Áhugasamir skrái sig sem fyrst á [email protected]. Mikil aðsókn er á námskeiðin og þau eru alveg að fyllast, vinsamlegast skráið ykkur ef þið hafið áhuga því það er takmarkað pláss.
Takið fram hvernig hund þið eruð með og hvaða grein þið hafið mestan áhuga á.

Fyrir hönd Spítzhundadeildar HRFÍ
Kolbrún Arna